ବେଲଗୁଣ୍ଠା,ବେଲଗୁଣ୍ଠା ବିଜ୍ଞାପିତ ଅଞ୍ଚଳ ପରିଷଦ ଅଧୀନରେ ସହର ସୌନ୍ଦର୍ଯ୍ୟକରଣ ପାଇଁ ସ୍ଥାପିତ ହୋଇଥିବା ଲାଇଟ୍ ଗେଟ୍ ଓ ବୋଟ୍ର ଆଲୋକ ବ୍ୟବସ୍ଥା ପ୍ରାୟ ଛଅ ମାସ ହେବ ଶୋଚନୀୟ ଅବସ୍ଥାରେ ପଡ଼ି ରହିଛି। ବେଲଗୁଣ୍ଠା ପିତଳ ମାଛର ସହର ଭାବେ ପରିଚିତ ଥିବା ସତ୍ତ୍ୱେ, ସହରର ଏହି ଆକର୍ଷଣୀୟ ସୌନ୍ଦର୍ଯ୍ୟକରଣ ବ୍ୟବସ୍ଥା କୁ ଅଣଦେଖା କରିଚାଲିଛନ୍ତି ପ୍ରଶାସନ ।ପାନକିଆରୀ ସ୍ଥିତ ରାସ୍ତା ପାଖରେ କାକପୋଇ ଗଛର ଡାଳ ଲାଇଟ୍ ସହିତ ଲାଗି ରହିଥିବାରୁ ସୌନ୍ଦର୍ଯ୍ୟ ନଷ୍ଟ ହେଉଛି ଓ ଦୁର୍ଘଟଣାର ସମ୍ଭାବନା ମଧ୍ୟ ରହିଛି।ବହୁ ବଲବ ଫିଉଚ ହୋଇଯାଇଥିବାରୁ ରାତିରେ ଅଧା ଅଧା ଲାଇଟ ଲାଗୁଛି l ସେଥିପାଇଁ ସୌନ୍ଦର୍ଯ୍ୟକରଣ କାମରେ କିଛି ଯାନ୍ତ୍ରିକ ତ୍ରୁଟି ମଧ୍ୟ ରହିଥିବା ଜଣା ପଡ଼ିଛି।ଏହି ସମସ୍ୟାଗୁଡ଼ିକ ଉପରେ ବେଲଗୁଣ୍ଠା ଏନ ଏ ସି ର କାର୍ଯ୍ୟନିବାହୀ ଅଧିକାରୀଙ୍କ ତୁରନ୍ତ ନଜର ପଡ଼ିବା ସହିତ ଆବଶ୍ୟକ ପଦକ୍ଷେପ ଗ୍ରହଣ କରିବl ସହ ଏହାର ପୁନଃରୁଦ୍ଧାର କରିବାକୁ ସାଧାରଣ ଲୋକ ଦାବି କରିଛନ୍ତି ।
